Qaraǵandyda arheologtar qola dáýirde jerlengen jaýyngerdiń qabirin izdep jatyr

QARAǴANDY. QazAqparat - Bıylǵy jyly qaraǵandylyq arheologtar Tobyldy qorymyndaǵy jerleý eskertkishterin, qola dáýirindegi kúıme arbamen júrý mádenıetin zertteýde, dep habarlaıdy QazAqparat Qaraǵandy oblysy ákimdiginiń baspasóz qyzmetine silteme jasap.

Jumystar Qaraǵandy oblysynyń Mádenıet, muraǵattar jáne qujattamalar basqarmasynyń tapsyrysy boıynsha júrgizilýde.

Tobyldy qorymy Shet aýdanynda, Taldy aýylynan 9 shaqyrym jáne Qarajartas qorymynan 4 shaqyrym qashyqtyqta ornalasqan. Zertteýler aldyńǵy qatarly ǵylymı qyzmetker Igor Kýkýshkınniń jetekshiligimen E.A. Bóketov atyndaǵy QarMÝ janyndaǵy Saryarqa arheologııalyq ınstıtýtynyń qyzmetkerlerimen júrgizilip jatyr.

Arheologtardyń málimdeýinshe, jaqyn arada osydan shamamen tórt jyl buryn qola dáýiri kezinde jerlengen kúıme arbamen júretin jaýyngerdiń qabiri ashylady.

Oblystyq tarıhı-ólketaný murajaıynyń aqparatyna saı, Shet aýdanyndaǵy qabir eskertkishterin zertteý barysynda júgen aýyzdyǵymen birge kómilgen jylqy, naızanyń tastan qashalǵan ushy, sadaq oǵynyń tastan jasalǵan ushy, naızanyń qoladan jasalǵan ushy, altyn jalatqan salpynshaq pen kóptegen keramıkalyq ydys-aıaqtardyń qosarlanyp jerlengeni anyqtalǵan.