Qaraǵandyda apatqa baılanysty júzdegen úı birneshe saǵat boıy sýsyz otyrady
Keshe tústen keıin Qaraǵandyda «Ekinshi aımaq» bas sorǵy stantsııasynan ótetin dıametri 630 mm N 23 magıstraldy sý qubyry isten shyqty. Sý taratqyshtyń jalpy uzyndyǵy – 18 km. Bul sýtaratqysh Ońtústik-Shyǵys, Kırzavod 1-2, Fedorovka tutynýshylaryna sý beredi.
Túnde áleýmettik jeliler arqyly qala bıligi turǵyndarǵa kúni boıy úıler men áleýmettik nysandarda sý bolmaıtynyn habarlady. Alaıda, sý tasýshy kóliktermen aýrýhanalarǵa, mektepter men balabaqshalarǵa sý jetkizip jatyr.
Qazirgi ýaqytta «Qaraǵandy Sý» JShS brıgadalary sý qubyrynda týyndaǵan apatty joıý boıynsha jumystar júrgizip jatyr.
Qaraǵandy qalasynyń ákimdiginde habarlaǵandaı, 2014-2015 jyldary «Temir Zat» JShS merdigerlik uıymy N 23 magıstraldy sý tartqyshyn qaıta jóndeýden ótkizgen, 2016 jyly polıetılen qubyrlary ornatylǵan sý tartqysh paıdalanýǵa berildi. Al 2019 jyly sý qubyry «Qaraǵandy Sý» JShS-ne senimgerlik basqarýǵa berildi. Nysanda osy ýaqytqa deıin apattar bolmaǵan.
Kompanııa apatty joıý jumystardy 9.00-den 24.00-ge deıin júrgizetinin, sodan keıin sý tartqyshty sýmen toltyrýǵa – gıdravlıkalyq rejımdi retteýge kirisetinin habarlady.
