Qaraǵandyda anasynyń qateliginen 2 jasar bala komaǵa tústi
QARAǴANDY. QazAqparat - Qaraǵandyda dárigerlerdiń nusqaýynsyz ekpe alǵan 2 jasar bala komaǵa túsip qaldy, dep habarlaıdy QazAqparat tilshisi.
«Balaǵa sýyq tıip, qyzýy 38 gradýsqa deıin kóterilgen. Anasy dárigerge barmaı, balasyn óziniń bilgenimen emdegen. Ol qyzýy túspeı jatqan balasyna Tsef 3 preparatyn satyp alyp, kórshi kelinshekke ekkizgen. Birneshe mınýttan keıin bala klınıkalyq ólim jaǵdaıyna túsip qalǵan», - deıdi Qaraǵandy oblystyq densaýlyq saqtaý basqarmasynyń baspasóz hatshysy Aıjan Isa.
Qazir 2 jasar bala jan saqtaý bóliminde jatyr, jaǵdaıy aýyr. Oǵan jasandy ókpe jeldetkishi jalǵanǵan.
«Bul preparatty tek dáriger taǵaıyndaıdy, biraq retseptisiz beriledi. Óz betimen em-dom jasaý, ásirese balalarǵa dárigerdiń nusqaýynsyz ekpe jasaý qaýipti», - dedi Aıjan Isa.
