Qaraǵandyda Amanjolov oqýlarynyń jeńimpazdary marapattaldy

QARAǴANDY. QazAqparat – Qaraǵandyda Qasym Amanjolovtyń «Sen netken baqytty ediń, keler urpaq...» respýblıkalyq oqýlarynyń qorytyndysy shyǵaryldy.

Jyr merekesi osy kúnde qalanyń mádenı dástúrine aınalǵan. «Rýhanı jańǵyrý» baǵdarlamasy boıynsha Amanjolov oqýlary on birinshi ret ótkizildi. Bıyl shara aqynnyń 110 jyldyǵyna arnalǵan, dep habarlaıdy QazAqparat tilshisi.

Baıqaýǵa 118 ótinim kelip tústi. Sharaǵa Qasym Amanjolovtyń shyǵarmashylyǵyna tánti azamattar qatysty jáne olar elimizdiń barlyq óńirlerinen, tipti Polsha memleketinen de qatysty.

«Dúnıege keler áli talaı Qasym...» nomınatsııasynda bas júldeni qyzylordalyq Aqjol Doshanov jeńip aldy.

Birinshi oryndy Jálel Shalqar (Qaraǵandy), ekinshi oryndy Maqsat Kúzemhanov (Balqash) ıelendi. Úshinshi oryndy ush adam ózara bólisti. Olar: Aızada Rahymjanova (Nur-Sultan), Arshyn Nurbaqyt (Almaty oblysy) jáne Araılym Muratalıeva (Shymkent). Ernur Áýezhan (Qostanaı oblysy), Qaırat Imanbekov (Qaraǵandy), Rollan Keńeshanov (ShQO) jáne Abaı Oraz (Jezqazǵan) arnaıy dıplomdarmen marapattaldy.

«Jas dáýren» atalymynda qaraǵandylyq Aıbek Rymǵalı bas júldeni jeńip aldy.

Birinshi oryndy Syrym Muhametjanov (Nur-Sultan), ekinshi oryndy Kámshat Turarbekova (Nur - Sultan) ıelendi. Úshinshi oryn ıegerleri: Janbolat Baısoltan (Pavlodar), Qýandyq Tókenov (Qaraǵandy) jáne Erasyl Alpysbaı (SQO). Arnaıy dıplomdarmen Qaraǵandynyń «Araı» toby jáne Janna Ysqaqova (Qaraǵandy) marapattaldy.

Baıqaýǵa qatysýshylar Qasym Amanjolovtyń eskertkishine gúl shoqtaryn qoıdy. Aqyndyq merekede Qasym serııasynyń tórtinshi kitabynyń tusaýkeseri ótti.

Amanjolov oqýlary alǵash ret Qaraǵandyda 2011 jyldyń 11 qazanynda aqynnyń 100 jyldyǵyn atap ótý kezinde ótti.