Qaraǵandyda «Altyn arba» bazary órtendi
QARAǴANDY. QazAqparat - Qaraǵandyda túnde qalanyń eń úlken bazarynda órt shyqty. Jalyn úsh fastfýd kafesin sharpydy. Órt aýmaǵy 500 sharshy metrdi qurady, dep habarlaıdy QazAqparat tilshisi.
28 aqpan kúni saǵat 01:03-te Qaraǵandy qalasy Zataevıch kóshesindegi ǵımaratta órt shyqqany týraly habarlama kelip tústi.
«Altyn Arba» bazarynyń aýmaǵynda tez tamaqtanýǵa arnalǵan úsh dámhananyń aǵash qaptamalary, jylytqysh materıaldary, jıhazdar, jabdyqtar jáne ashanalyq kerek-jaraqtary jandy. Órttiń jalpy aýdany - 500 sharshy metr. Qaza bolǵandar men zardap shekkender joq. Órt 01:52-de sóndirildi», - dep habarlady Qaraǵandy oblysy TJD baspasóz qyzmeti.
Oqıǵa ornynda Qaraǵandy oblysy TJ departamentiniń 52 qyzmetkeri men 15 tehnıkasy jumys istedi.
Órttiń shyǵý sebebi ázirge anyqtalyp jatyr.
