Qaraǵandyda alıment tóleýden jaltarǵandar jumysqa ornalastyryldy
QARAǴANDY. QazAqparat – Qaraǵandy qalasynda ótken bos jumys oryndarynyń jármeńkesi aıasynda alıment bereshegi bar 5 azamatqa qyzmetke ornalasý úshin joldama berildi. Bul týraly qalalyq jumyspen qamtý ortalyǵynan málim etti, dep habarlaıdy QazAqparat tilshisi ákimdiktiń saıtyna silteme jasap.
Shara shahardaǵy «Taır» oıyn-saýyq kesheninde ótti. Onda kelýshilerge 50-den astam kásiporyn men uıym 2000 myńnan asa bos jumys oryndaryn usynydy. Jármeńkege jumyssyz azamattar, joǵary oqý oryndarynyń túlekteri, NEET sanatyndaǵy jastar men zeınetkerlik jasqa jetpegen turǵyndar qatysty.
«Ótkizilgen is-sharada 450 azamatqa 2021-2025 jyldarǵa arnalǵan kásipkerlikti damytýdyń ulttyq jobasy aıasynda keńes berildi. Taǵy 93 azamatqa jumysqa ornalasý úshin joldama berildi. Onyń ishinde, probatsııa qyzmetiniń esebinde turǵan 12 turǵynǵa jáne alıment bereshegi bar 5 azamatqa joldama berildi», - delingen Qaraǵandy qalasynyń halyqty jumyspen qamtý ortalyǵy tartqan habarlamada.
Jármeńkege kelýshilerge «Kúmis jas», «Jastar praktıkasy», «Alǵashqy jumys orny», «Áleýmettik jumys orny», «Qoǵamdyq jumystar», «Kásiptik oqytý» baǵdarlamary boıynsha keńes berildi.
Foto: www.instagram.com/czn_karaganda
