Qaraǵandyda Álıhan Bókeıhanovtyń uly murasy talqylandy

QARAǴANDY. QazAqparat – Qaraǵandy joǵary gýmanıtarlyq kolledjinde Álıhan Bókeıhannyń týǵanyna 155 jyl tolýyna jáne QR Táýelsizdiginiń 30 jyldyǵyna arnalǵan «Álıhan Bókeıhan: uly murat jolynda» atty oblystyq ǵylymı-tájirıbelik konferentsııa ótti, dep habarlaıdy QazAqparat tilshisi.

Іs-sharaǵa barlyǵy 80-ge jýyq qujat pen ótinish kelip tústi.

Konferentsııa jumysy eki baǵytta ótti: «Á. N.Bókeıhan - uly ıdeal jolyndaǵy kóshbasshy» jáne «Á. N. Bókeıhan jáne onyń rýhanı murasy».

Kezdesýde «Máńgilik el» ulttyq ıdeologııasynyń qaǵıdattaryna sáıkes qoǵam qaıratkeri kózqarastarynyń ózektiligi, qoǵamdy jańǵyrtý problemalary jáne tarıhı shyndyq týraly aıtyldy.

Ekinshi bólim mereıtoı ıesiniń rýhanı murasyna arnaldy. Onyń aýdarmashy, ádebıettanýshy, aǵartýshy, tarıhshy, pedagog jáne pýblıtsıst retindegi qyzmeti jaıly sóz qozǵaldy.

Konferentsııa jumysyna tarıh ǵylymdarynyń kandıdaty, «Tulǵataný» ǵylymı-zertteý ortalyǵynyń dırektory Nursahan Beısenbekova, fılologııa ǵylymdarynyń doktory, professor Jandos Smaǵulov, Ortalyq Qazaqstan gazetiniń bas redaktory Ersin Musabekov jáne t. b. qatysty.