Qaraǵandyda aǵash óńdeıtin tseh órtenip ketti, qaza tapqandar men zardap shekkender joq
QARAǴANDY. 3 aqpan. QazAqparat /Valentına Elızarova/ - Qaraǵandyda aǵash óńdeıtin tseh órtenip ketti, dep habarlaıdy Qaraǵandy oblysynyń TJD baspasóz qyzmeti.
Onyń habarlaýynsha, órt túngi 12 kezinde boldy. Ony aýyzdyqtaýǵa tórt saǵatqa jýyq ýaqyt ketti.
«Kezekshi órt sóndirýshiler kelgenshe órt tsehtyń 300 sharshy metrin alyp jatty. Shatyrdyń aǵash qaptamalary, aǵash úgindileri, orman materıaldary men 4 stanok janyp jatty», - delingen baspasóz qyzmeti taratqan aqparatta.
Órt sóndirýshilerdiń málimdeýinshe, qaza tapqandar men zardap shekkender joq. Órtti sóndirýge órt sóndirýshilerdiń 6 birlik tehnıkasy men 25 qyzmetker tartyldy.
«Órt sebepteri men keltirilgen shyǵyn anyqtalýda», - dep jazady baspasóz qyzmeti.
