Qaraǵandyda ádilet departamentiniń aldynda mashına órtendi
QARAǴANDY. QazAqparat - Qaraǵandyda ádilet departamenti ǵımaratynyń aldyndaǵy avtoturaqta turǵan avtomobıl órtendi, dep habarlaıdy QazAqparat tilshisi.
«28 maýsym kúni 17:55-te Jambyl kóshesi, 11 mekenjaıynda Toyota Land Cruizer avtomobıli órtendi. Mashınanyń motory men aldyńǵy oryndyǵy janǵan», - dep málimdedi Qaraǵandy oblystyq tótenshe jaǵdaılar departamenti.
Jalyn eki sharshy metr aýdandy sharpydy. Aldyn ala málimetter boıynsha, órttiń tutanýyna ótkizgishterdiń qysqa tuıyqtalýy sebep bolǵan.
Vedomstvo ókilderiniń aıtýynsha, órt 18:19-da tolyqtaı sóndirilgen. Qurban bolǵandar joq, eshkim zardap shekpegen.
