Qaraǵandyda adam urlandy
QARAǴANDY. QazAqparat – Qaraǵandyda polıtseıler qala turǵynyn urlap ketken qaskúnemderdi izin sýytpaı ustady, dep habarlaıdy QazAqparat.
21 aqpan kúni Qaraǵandy qalasynyń polıtsııa basqarmasynyń Mıhaılovskıı polıtsııa bólimine beıtanys adamdardyń 34 jastaǵy er adamdy «Toıota» markaly avtokóliginiń salonyna kúshtep otyrǵyzyp, ony belgisiz jaqqa alyp ketkeni týraly habarlama kelip tústi.
«Sanaýly ýaqytta oqıǵa ornyna Qaraǵandy qalasynyń patrýldik polıtsııasynyń jaqyn mańdaǵy birneshe jasaǵy keldi. Polıtseıler qala kósheleriniń birinde baǵdardaǵy kólikti baıqaǵan. Olar kólikti toqtatqan. Onda eki kúdikti – 25 jáne 33 jastaǵy er adam, sondaı-aq urlanǵan azamat bolǵan», – dep habarlady Qaraǵandy oblysy PD baspasóz qyzmeti.
Qaskúnemder kinálaryn moıyndady. Ustalǵandardyń aıtýynsha, olardyń zańsyz áreketteriniń sebebi jábirlenýshiniń aqshalaı qaryzy bolǵan.
Atalǵan fakti boıynsha QR QK 125-baby «Adamdy urlaý» boıynsha qylmystyq is qozǵaldy. Tergeý amaldary júrgizilýde.
