Qaraǵandyda adam óltirgen kúdikti ustaldy
QARAǴANDY. QazAqparat - Patrýldik polıtsııa polkiniń qyzmetkerleri adam ólimine qatysy bar kúdiktini «izin sýytpaı» qolǵa túsirdi, dep habarlaıdy QazAqparat tilshisi.
21 sáýir kúni tańerteńgilik ýaqytta Qaraǵandy qalalyq Polıtsııa basqarmasyna Zapadnyı kóshesiniń boıynda ornalasqan úılerdiń biriniń aýlasynda pyshaq jaraqattary bar adamnyń máıiti jatqandyǵy týraly habarlama túsken. Qaıtys bolǵan azamat 33 jastaǵy qala turǵyny ekeni belgili boldy.
«Oqıǵa ornynda patrýldik polıtsııa polkiniń qyzmetkerleri 42-jastaǵy azamatty qolǵa túsirgen, ol polıtsııaǵa qarsylyq kórsetken. Ustalǵan azamat moıyndaý kórsetpe belgilerin berdi», - dep málimdedi Qaraǵandy oblystyq PD baspasóz qyzmeti.
Atalǵan fakt boıynsha Qazaqstan Respýblıkasy Qylmystyq kodeksiniń 99 baby 1 tarmaǵy («Adam óltirý») boıynsha qylmystyq is qozǵalyp, tergeý amaldary júrgizilýde.
