Qaraǵandyda Abaı kúnine arnalǵan ádebı onlaın-baıqaýdyń jeńimpazdary marapattaldy

QARAǴANDY. QazAqparat – Qaraǵandyda Abaı kúnin merekeleýge arnalǵan ádebı onlaın-baıqaýdyń qorytyndysy shyǵaryldy. Jeńimpazdar dıplomdarmen jáne estelik syılyqtarmen marapattaldy, dep habarlaıdy QazAqparat tilshisi.

«Baıqaýǵa 14–29 jas aralyǵyndaǵy 30 adam qatysty. Qatysýshylar uly aqynnyń bir shyǵarmasyn mánerlep oqyp, qoıylymdy beınege jazyp, Instagram-daǵy paraqshasynda 9 tamyzǵa deıin @qaragandy_jastary heshtegimen jarııalaýǵa tıis

boldy. Búgin biz baıqaýdyń qorytyndysyn shyǵaryp, jeńimpazdar men júldegerlerdi marapattadyq», – dedi Qaraǵandy Jastar resýrstyq ortalyǵynyń jetekshisi Symbat Áýbakirova.

Uıymdastyrýshylardyń aıtýynsha, ádebı baıqaý jastardyń ulttyq qundylyqtarǵa degen qyzyǵýshylyǵy men qurmetin qalyptastyrýǵa, ulttyq ádebıetti nasıhattaýǵa baǵyttalǵan.

«Baıqaýǵa qatysýshylar kelesi ólshemsharttar boıynsha baǵalandy: mánerlep oqý, dıktsııa, mımıka. Olardyń oryndalýy bes baldyq shek boıynsha saralandy.

Saıysta birinshi oryndy Aıaýlym Nazymhıhmat ıelendi. Ekinshi oryn Aıken Sársenbaevaǵa buıyrdy. Úzdik úshtikti Aıana Kenjehan tuıyqtady. Olar dıplomdar jáne estelik syılyqtar aldy», – dep qosty Symbat Áýbákirova.