Qaraǵandyda abaqty qyzmetkeri sottalýshylardy kezdestirgeni úshin jazaǵa tartyldy
QARAǴANDY. QazAqparat - Qaraǵandy soty sottalýshylardyń kezdesýine qolaıly jaǵdaı jasaǵany úshin tergeý oqshaýlaǵyshynyń jedel ýákilin 2 jyl 8 aıǵa bas bostandyǵynan aıyrý týraly úkim shyǵardy, dep habarlaıdy «QazAqparat» HAA tilshisi.
Bul qoǵam nazaryna ilingen fakti sottalýshyny tergeý oqshaýlaǵyshynan aýrýhanaǵa alyp ketip, patologııaǵa baılanysty túsik jasatqan kezinde belgili bolǵan. Buǵan quqyq qorǵaý organdary qyzyǵýshylyq tanytqan. Olar sottalǵan áıeldi tergep, onyń erler kamerasyndaǵy basqa sottalýshymen jaqyndasyp, júkti bolyp qalǵandyǵyn anyqtaǵan. Olardyń kezdesýine tergeý oqshaýlaǵyshynyń jedel ýákili kómektesken. Keıin júkti bolǵan sottalýshynyń AITV-men aýyratyndyǵy belgili bolady.
Jedel qyzmetker tutqyndaldy. Ádilet kapıtanyna Qylmystyq kodekstiń úsh baby boıynsha aıyp taǵyldy.
Biraq Qaraǵandy qalasy Qazybek bı aýdandyq sotynyń sýdıasy Álııa Josheva jedel ýákildi Adamnyń ımmýn tapshylyǵy vırýsyn (AITV/JITS) juqtyrýy boıynsha taǵylǵan aıyptan aqtap aldy. Sýdıa sottalýshynyń áıeldiń dıagnozynan habarsyz ekendigin alǵa tartyp, onyń dárigerlik qupııa bolyp tabylatyndyǵyn jáne ony tek dárigerler biletindigin málimdedi.
«Sot aıyptalýshyǵa ortasha qaýipsizdik dárejesindegi mekemesinde 2 jyl 8 aıǵa bas bostandyǵynan aıyrý týraly úkim shyǵardy», - dep málimdedi sýdıa Josheva sottyń úkimin. Sondaı-aq, sottalýshy kapıtan dárejesinen aıyryldy.
Arnaıy mekemeni kezdesý úıine aınaldyrǵany úshin Qylmystyq-atqarý júıesi departamenti bastyǵynyń buıryǵymen tergeý oqshaýlaǵyshy bastyǵy, orynbasary jáne basqa da qyzmetkerlerge sógis jáne qyzmetinen bosatý sekildi sharalar qoldanyldy.
