Qaraǵandyda 9 jastaǵy bala spınnerdiń saqınasyn jutyp qoıdy
QARAǴANDY. QazAqparat - Qaraǵandyda balalar aýrýhanasynda spınnerdiń saqınasyn jutyp qoıǵan 9 jastaǵy er balaǵa jedel túrde ota jasady, dep habarlady «QazAqparat» HAA tilshisi.
Oınap otyrǵan bala oıynshyqty buzǵan da saqınasyn aýzyna salǵan. Temir zatty jutyp qoıǵanyn ol birden ata-anasyna aıtady. Olar balany dereý aýrýhanaǵa jetkizgen. «Saqına búldirshinniń asqazanynda bolǵan. Ata-analarynyń kelisimimen balaǵa otany narkozdyń kómegimen jasady.
Hırýrg ishin eki sanımetrge, al asqazanyn bir santımetr kesti», - dedi densaýlyq saqtaý basqarmasynyń baspasóz hatshysy Aıjan Isa.
Bala otany jaqsy kóterdi. Qazir ol dárigerlerdiń baqylaýynda.
