Qaraǵandyda 86 kópbalaly otbasy qonys toıyn toılady
Bul páterler Qaraǵandynyń ońtústik-shyǵysynda Baıken Áshimov atyndaǵy jańa shaǵynaýdanda salynǵan úılerde ornalasqan. Bolashaqta munda qalanyń ákimshilik-iskerlik jáne mádenı ortalyǵy ornalasady. Jańa shaǵynaýdanda áleýmettik jáne sport nysandary, gúlzarlar, kontsert zaly, balalar men jasóspirimder saraıy jáne basqa da kóptegen nysandardyń qurylysy josparlanǵan.
«Qazir oblys ortalyǵynda 1500-den astam kópbalaly otbasy ataýly áleýmettik kómek alýda. 500-ge jýyǵy jol júrý jeńildigimen qamtamasyz etilgen. Kópbalaly ata-analarǵa balabaqshada 50% jeńildik qarastyrylǵan. Sonymen qatar, olardyń balalary sporttyq sektsııalar men úıirmelerge tegin bara alady. Al jazda «Salıýt» lagerinde demalýǵa múmkindik jasalǵan», - dep atap ótti Qaraǵandy qalasynyń ákimi Nurlan Áýbákirov.
Elbasy Nursultan Ábishuly Nazarbaevtyń, QR Prezıdenti Qasym-Jomart Toqaevtyń, Qaraǵandy oblysynyń ákimi Erlan Qoshanovtyń tapsyrmasy boıynsha kópbalaly otbasylarǵa keshendi qoldaý kórsetilýde.
Esterińizge sala keteıik, 1 mamyrda 10 kóp balaly otbasy páter kiltine ıe bolǵan edi. Qaraǵandyda memlekettik turǵyn úı qorynan turǵyn úı alýǵa 494 otbasy kezekte tur.
