Qaraǵandyda 8 órt baqylaýǵa alyndy

QARAǴANDY. QazAqparat – Qaraǵandy oblysynda aýa raıynyń ystyq bolýyna jáne qatty jel soǵýyna baılanysty joǵary órt qaýipsizdigi saqtalyp otyr. Óńirdiń TJD málimetinshe, bir táýlik ishinde 17 tabıǵı órt tirkelip, onyń 9-y joıyldy, dep habarlaıdy QazAqparat tilshisi.

7 qyrkúıek kúni saǵat 10.00-degi jaǵdaı boıynsha 8 órt jaǵdaıy baqylaýǵa alyndy, onyń ishinde:

5 qyrkúıekte saǵat 09-28 shamasynda Shet aýdany, Myńbaev aýyldyq okrýgi, Qyzyltaý aýylynan 12 shyqyrym jerde qurǵaq shóp órtendi (aldyn ala boljammen aýdany 300 ga).

6 qyrkúıekte saǵat 16-20 shamasynda Shet aýdany, Nurataldy aýyly, Shopa aýylynan batysqa qaraı 25 shaqyrym jerde qurǵaq shóp órtendi (aldyn ala boljammen aýdany 1000 ga).

6 qyrkúıek kúni saǵat 16:40-ta Buqar jyraý aýdany, Úmitker aýyly, «Belaǵash orman sharýashylyǵy» MM Tórtkól aýylynan soltústik-shyǵysqa qaraı 20 shaqyrym jerde, aǵashtar jáne qurǵaq shóp órtendi, shamamen aýdany 10 ga.

6 qyrkúıekte saǵat 10:28-de Nura aýdany, Qaraqoıyn aýyldyq okrýgi, Kereı aýylynan soltústikke qaraı 50 shaqyrym jerde qurǵaq shóptiń janýy oryn aldy.

6 qyrkúıekte saǵat 13:13-te Qarqaraly aýdany, Qaınarbulaq aýyldyq okrýgi, Appaz aýylynan shyǵysqa qaraı 20 shaqyrym jerde qurǵaq shóptiń janýy oryn aldy.

6 qyrkúıekte saǵat 16:15-te Shet aýdany, Kıikti aýyldyq okrýgi, Kıikti aýylynan ońtústik-batysqa qaraı 65 shaqyrym jerde qurǵaq shóptiń janýy oryn aldy.

6 qyrkúıekte saǵat 18:20-da Shet aýdany, Aqshoqyn aýyldyq okrýgi, Qyzyltaý aýylynan shyǵysqa qaraı 15 shaqyrym jerde qurǵaq shóptiń janýy oryn aldy.

6 qyrkúıek kúni saǵat 23:00-de Shet aýdany, Burma aýyldyq okrýgi, Burma aýylynan soltústik-shyǵysqa qaraı 9 shaqyrym jerde qurǵaq shóptiń janýy oryn aldy.

«Barlyq oshaqtarda TJD, jergilikti atqarýshy organdardyń erikti órt sóndirý quramalarynyń jáne ormanshylyqtardyń kúshteri jumyldyryldy. Tabıǵı órtter men janýdy joıýǵa barlyǵy 362 adam men 83 tehnıka jumyldyryldy», - dep habarlady TJD.

Turǵyndardy órt qaýipsizdigi erejelerin qatań saqtaýǵa shaqyrady. Janý anyqtalǵan jaǵdaıda dereý 101 jáne 112 telefondaryna qońyraý shalý qajet.