Qaraǵandyda 76 mln teńgeniń sıntetıkalyq esirtkisin ázirlegen adam ustaldy
«Jedel-izdestirý is-sharalary barysynda «jyldamdyq» degen atpen tanymal sıntetıkalyq esirtki óndirisin Qazaqstan Respýblıkasynda turýǵa yqtııarhaty bar jaqyn shetelden kelgen azamat jasaǵany anyqtaldy. Ol óndiriske qajetti barlyq materıaldardy satyp alyp, sıntetıkalyq esirtki jasaı bastaǵan. Bul azamat ustaldy, odan 750 gramm daıyn esirtki ónimderi tárkilendi. Ol esirtkini iri kólemde satpaq bolǵan», - deıdi QR ІІM Esirtki qylmysyna qarsy is-qımyl departamenti basqarma basshysy Baqytjan Ámirhanov.
Onyń aıtýynsha, azamattyń turǵylyqty jerin tintý kezinde hımııalyq ónimderdiń astynan kanıstrdegi 7 lıtr suıyq, sondaı-aq esirtki óndirisine qajetti barlyq qurylǵylar tárkilendi.
«Munyń bári onyń qylmys isteıtin nıeti bar ekenin dáleldedi. Ol Almatyda turǵan, odan keıin Qaraǵandyǵa arnaıy kóship kelip, jer úı jaldap, sıntetıkalyq esirtki jasaý týraly oıyn júzege asyrǵan. Qazirgi ýaqytta osy jaǵdaıǵa qatysty jedel-tergeý sharasy júrgizilýde. Ustalǵan adamnyń ózi kinásin moıyndap otyr», - deıdi ol. otmetıl spıker.
Baqytjan Ámirhanov tárkilengen esirtkiniń quny shamamen qansha bolatynyn aıtty.
«Jyldamdyq» dep atalyp ketken esirtkiniń ortasha baǵasyn negizge alsaq (15 myń teńge) tárkilengen esirtkiniń qara naryqtaǵy quny shamamen 76 mıllıon teńge turady. Tárkilengen esirtkiniń jalpy salmaǵy 5-6 keli boldy. Jer úıdi nemese páterdi jalǵa bergen kezde jaldap alýshy kúdik týdyratyn-týdyrmaıtynyna mán berip qaraý kerek. Eger kúdik týdyrǵan jaǵdaıda birden polıtsııaǵa habarlaý kerek», - deıdi ol.