Qaraǵandyda 7 jasar bala iz-túzsiz ketti
QARAǴANDY. QazAqparat - Qaraǵandy oblysynyń Shahtınsk qalasynda mektepten shyǵyp ketip, iz-túzsiz joǵalǵan 7 jasar bala izdestirilýde, dep habarlaıdy «QazAqparat» HAA tilshisi.
«Rozysk.kz» qoǵamdyq qozǵalysynyń eriktileri habarlaǵandaı, bala psıhıkalyq aýytqýdan zardap shegedi, onyń sóıleý tili jaqsy damymaǵan. «7 qyrkúıekte Rasýl Bakıbaev №1 mektep-ınternattan shyǵyp, belgisiz baǵytqa ketip qalǵan», - deıdi volonterlar.
Joǵalǵan balanyń boıy 140-150 sm, dene bitimi ortasha. Onyń ústinde kók fýtbolk, qara sholaq shalbar, aıaǵynda shárkeı bolǵan.
Eriktiler bala týraly qandaı da bir aqparatty biletinderden 8 775 552-96-66 nemese «102» telefondaryna habarlasýyn suraıdy.
