Qaraǵandyda 7 synyp oqýshysy asylyp qaldy
QARAǴANDY. QazAqparat - Qaraǵandydaǵy №23 mekteptiń 7 synyp oqýshysy asylyp qaldy, polıtseıler oqıǵanyń sebepterin anyqtap jatyr, dep habarlaıdy «QazAqparat» HAA tilshisi.
Oqýshy qyz anasy basqa bólmede úsh jastaǵy balasyn jubatyp jatqan kezde ózine qol salǵan. Onyń óli denesin eń aldymen jattyǵýdan oralǵan úıdegi ortanshy ul kórgen.
«Qyzymyz belsendi ómir saltyn ustanatyn. Sabaǵy qanaǵattanarlyq. Mánerlep syrǵanaý úıirmesine qatysyp júrdi. Ata-analary da mektep basshylyǵymen tyǵyz baılanysta boldy, jınalystardan qalyp kórgen emes, qyzdarynyń oqý úlgerimin synyp jetekshisinen surap bilip otyratyn»,-deıdi mektep dırektory Nurken Ashyqbaev.
Oqýshy qyz bul mektepke 3 aı buryn №101 mektep-lıtseıden aýysyp kelipti.
Áleýmettik jeli qoldanýshylary jazyp jatqan qyz balany sýtsıdke ıtermelegeni týraly áńgimelerdi dırektor teriske shyǵardy.
«Bul týraly aıtylyp jatqan túrli pikirler jaıly eshteńe aıta almaımyn. Onymen quqyq qorǵaý oryndary aınalysady»,-dedi Nurken Ashyqbaev.
Polıtsııa oqýshy qyzdyń ólimine baılanysty ázirge eshqandaı málimdeme jasaǵan joq.
Mektep oqýshylarynyń aıtýynsha, qyz bala birneshe aı kóleminde oqýshylardyń birimen hat jazysyp, onymen sýıtsıd taqyrybyn talqylaǵan.
