Qaraǵandyda 6 kólikti aıdap ketken urylar ustaldy
QARAǴANDY. QazAqparat - Qaraǵandyda tártip saqshylary byltyrǵy jyldyń qyrkúıeginen búgingi kúnge deıin 6 jeńil kólikti urlap ketken qylmyskerlerdi qolǵa túsirdi, dep habarlaıdy QazAqparat tilshisi.
Qaraǵandy qalasynyń Ońtústik-Shyǵys polıtsııa bóliminiń krımınaldyq polıtsııa qyzmetkerleri 2019 jyldyń qyrkúıek aıynan bastap qazirgi ýaqytqa deıin Qaraǵandy qalasynyń aýmaǵynda reseılik avtokólikterdi urlaýmen aınalysqan eki topty ustady.
«25-26 jastaǵy kúdiktiler Qaraǵandy oblysynyń turǵyndary bolyp shyqty. Olar 6 kólikti urlap ketkenin moıyndady. Aıǵaqty zattar (avtokólikter) tárkilendi. Kúdiktiler ýaqytsha ustaý ızolıatoryna qamaldy»,-dep habarlady Qaraǵandy oblysy PD baspasóz qyzmeti.
Qazirgi ýaqytta kúdiktilerdiń buryn jasalǵan qylmystarǵa qatysy baryn anyqtaý maqsatynda jedel-izdestirý is-sharalary júrgizilýde.
