Qaraǵandyda 55 jastaǵy er adam ózin ózi órtep jiberdi
QARAǴANDY. 29 shilde. QazAqparat - Qaraǵandyda 55 jastaǵy er adam ózin ózi órtep jiberdi, dep habarlaıdy oblystyq ІІD baspasóz qyzmetinen.
«29 shilde kúni tańerteń Qaraǵandyda Kóshýbaev kóshesiniń boıynda JShS-niń biriniń jumysshysy, 55 jastaǵy er adamnyń kúıip qalǵan máıiti tabyldy. Oqıǵany kózben kórgenderdiń sózine qaraǵanda, ózin órtep jibererdiń aldynda er adam kanıstrdegi benzındi ústine quıyp qana qoımaı, ishken», - delingen habarlamada.
Aldyn ala boljam boıynsha, onyń óz ózine qol jumsaýyna jumys istegen JShS aýmaǵyndaǵy gaz ballondaryn urlaý faktisi boıynsha zardap shegýshige qatysty qylmystyq istiń qozǵalýy sebep bolǵan.
«Atalǵan fakti boıynsha qylmystyq is qozǵaldy, tergeý amaldary júrgizilip jatyr», - deıdi oblystyq ІІD baspasóz qyzmetindegiler.
