Qaraǵandyda 54 jastaǵy áıeldiń páterinen 1 keliden astam geroın tabyldy
ASTANA. 25 qańtar. QazAqparat /Aıdar Ospanalıev/ - Qaraǵandyda 54 jastaǵy áıeldiń páterinen 1 keliden astam geroın esirtkisi tabyldy.
Bul týraly búgin jýrnalıstermen bolǵan brıfıngte Іshki ister mınıstrliginiń resmı ókili Nurdildá Oraz málim etti.
Onyń aıtýynsha, esirtkini quqyq qorǵaý organy qyzmetkerleri sot sanktsııasy negizinde atalmysh azamatshanyń páterin tintý kezinde tapty. Arnaıy paketke salynǵan 1 keli 199 gramm geroın áıeldiń jatyn bólmesindegi shkaftan shyqty. Qazir ol qamaýǵa alynyp, fakti boıynsha qylmystyq is qozǵalýda.
