Qaraǵandyda 509 kóp qabatty úıdiń turǵyndary jylýsyz otyr
QARAǴANDY. QazAqparat - Qaraǵandydaǵy 509 kóp qabatty turǵyn úıge jylý berilmeı otyr, dep habarlaıdy «QazAqparat» HAA tilshisi.
Sonyń ishinde 47 kóp qabatty úıge jylýdyń berilmeýine PIK aıypty bolyp otyr.
«Qaraǵandyda 1 797 úıge jylý berilgen. Bul 78 paıyz degen sóz. 509 úıge túrli sebeptermen jylý berilmeı otyr. Sonyń 300-ine jylýdyń berilýi jylý magıstraldaryndaǵy jóndeý jumystaryna baılanysty keshiktirilýde», - deıdi ákimdik baspasóz qyzmetindegiler oblystyq energetıka jáne turǵyn úı-kommýnaldyq sharýashylyq basqarmasynyń basshysy Qaırat Begimovke silteme jasap.
Oblystyń soltústik bólikterinde jylý maýsymy resmı túrde 1 qazannan bastaldy. Ońtústik bólikterinde qazannyń 5-i men 15-i aralyǵynda jylý beriledi. «Oblys ońtústiginde kúndiz aýa temperatýrasy 13-14 gradýs nólden joǵary bolyp otyr», - dedi Qaırat Begimov.
Onyń aıtýynsha, búgingi tańda oblystaǵy 3 170 kóp qabatty úıge, ıaǵnı 47 % jylý berilgen. Jylý berilgen áleýmettik nysandardyń sany - 398.
