Qaraǵandyda 5 kólikti zaqymdaǵan mas júrgizýshi eki aıǵa qamaldy
QARAǴANDY. QazAqparat – Mas kúıinde rýlge otyryp, 5 kólikke soǵylǵan júrgizýshi 2 aıyn qamaýda ótkizedi, dep habarlaıdy QazAqparat tilshisi.
«Lexus 570» avtokóliginiń 49 jastaǵy júrgizýshisine qatysty 2 aıǵa ákimshilik qamaýǵa alý túrindegi sanktsııa qoldanyldy», - dep málim etti Qaraǵandy oblystyq Polıtsııa departamentiniń baspasóz qyzmetinen.
Eske sala keteıik, 20 qazan kúni «Lexus 570» kóligin mas kúıinde basqarǵan júrgizýshi «Stepnoı-4» shaǵynaýdanyndaǵy úıdiń aýlasynda turǵan 5 mashınamen soqtyǵysqan.
Jedel basqarý ortalyǵynyń qyzmetkerleri oqıǵa ornyna patrýldik polıtsııa polkiniń jáne Ońtústik-shyǵys polıtsııa bóliminiń jedel-tergeý tobynyń narıadtaryn jiberdi. Jol-kólik oqıǵasyna kináli adamdy ustaý kezinde belgisiz tulǵalar polıtseılerdiń jumysyna kedergi keltirmek bolǵan. Óz mindetterin atqarý barysynda polıtsııa qyzmetkerlerine baǵynbaǵany úshin olarǵa qatysty ákimshilik hattamalar toltyryldy. Eki quqyqbuzýshyǵa 5 jáne 3 táýlik ákimshilik jaza qoldanyldy.
Jol apaty saldarynan 25 jastaǵy er adam men 29 jastaǵy áıel jaraqat aldy.
