Qaraǵandyda 4 jasar qyzyn pyshaqpen tilimdegen ógeı áke qamaýǵa alyndy
QARAǴANDY. QazAqparat - Qaraǵandynyń Oktıabr aýdandyq soty tórt jasar ógeı qyzyna kóptegen pyshaq jaraqattaryn saldy dep kúdiktelip otyrǵan jergilikti turǵyndy eki aıǵa qamaýǵa alýdy sanktsııalady, dep habarlaıdy «QazAqparat» HAA tilshisi.
Sot tergeýshiniń 39 jastaǵy azamatty eki aıǵa tergeý oqshaýlaǵyshyna qamaý jónindegi ótinishin qanaǵattandyrdy.
Eki aı ishinde tergeý amaldary aıaqtalady dep kútilýde. Osydan keıin qylmystyq is sotqa jiberilip, onda «qamaýda ustaý» bultartpaý sharasy uzartylady nemese sýdıanyń sheshimimen jazalaýdyń basqa túrine aýystyrylady.
Aıta keteıik, Qaraǵandyda 39 jastaǵy azamat áıeline degen qyzǵanyshtan tórt jasar ógeı qyzyna pyshaq jaraqattaryn saldy dep kúdiktelip otyr. Tergeý nusqalary boıynsha, ol balanyń birneshe jerine, moınyna, ishi men qoldaryna pyshaq jaraqattaryn salǵan. Soqqy jeńil túrde bolǵandyqtan, qyzdyń ishki aǵzalaryna zaqym kelmegen.
