Qaraǵandyda 4 jasar bala terezeden qulap, qaza tapty
ASTANA.QazAqparat - Qaraǵandy oblysynda balalardyń kópqabatty úılerdiń terezelerinen qulaýy jıilep ketti, dep habarlaıdy óńirdegi TJD baspasóz qyzmeti.
29 mamyr kúni Qaraǵandy qalasynda tórt jasar bala 6-qabatta ornalasqan páterdiń terezesinen qulaǵan. Ol aýyr jaraqat saldarynan medıtsınalyq mekemede kóz jumdy.
Al odan bir kún buryn Temirtaý qalasynda 2013 jyly týǵan bala da altynshy qabattaǵy páter terezesindegi torǵa jarmasqan búldirshin de qulap ketken. Bala aýrýhanaǵa jetkizildi, qazirgi jaǵdaıy aýyr dep baǵalanyp otyr.
Terezeden qulaý - balalardyń aýyr jaraqat alý nemese qaza tabýynyń ásirese qalalyq jerlerdegi eń basty sebepteriniń biri, deıdi oblystyq TJD qyzmetkerleri. Byltyrǵy jyly balalarǵa qatysty osyndaı 15 oqıǵa tirkelgen. Terezeden qulaý saldarynan eki búldirshin qaza taýyp, 13-i aýrýhanaǵa jetkizildi.
Qaraǵandy oblystyq TJ departamenti ata-analardyń balalardy qaraýsyz qaldyrmaı, jiti qadaǵalaýyn eskertedi.
