Qaraǵandyda 4 jasar bala men boıjetken poıyz astyna túsip qaldy
QARAǴANDY. QazAqparat - Qaraǵandyda 17 jasar boıjetken poıyz astyna túsip, qaza tapty, 4 jasar bala zardap shekti, dep habarlady QO ІІM kóliktegi ІІD baspasóz qyzmeti.
Qaıǵyly jaǵdaı 2 qańtarda Jańa Qaraǵandy - Qaraǵandy-Sortırovochnaıa stansasynda oryn aldy. Vedomstvo baspasóz qyzmetiniń aqparatyna súıensek, kámelettik jasqa tolmaǵandar temir joldyń ruqsat etilmegen tusynan ótip ketpekshi bolǵan.
«Oryndy tekserý barysynda 1998 jylǵy boıjetken aýyr jaraqat alyp qaza tapqany anyqtaldy. Onyń janyndaǵy bala jaraqattarmen Qaraǵandy qalasynyń qalalyq aýrýhanasynyń jansaqtaý bólimine jetkizildi», - delingen habarlamada.
Týystarynyń aıtýynsha, ekeýi Qaraǵandy tsırkine bara jatqan. Olar Maıqudyq stansasynan elektr poıyzyna otyrýy qajet edi.
Atalmysh fakti boıynsha QR QK 344-baby 2-bólimi boıynsha sot aldy tergeý júrgizilýde.
