Qaraǵandyda 4 qashyqtyq boıynsha jartylaı marafon ótedi
ASTANA. QazAqparat - 20 mamyrda Qaraǵandy qalasynda ótetin «Armanǵa jol» jartylaı marafonynyń tas joly Halyqaralyq marafondar qaýymdastyǵynyń sertıfıkatyna ıe boldy, dep habarlaıdy QazAqparat Qazaqstannyń Jeńil atletıka federatsııasy saıtyna silteme jasap.
Ekinshi ret uıymdastyrylyp otyrǵan jartylaı marafonǵa qatysýshylar resmı túrde sporttyq razrıadtardy oryndaı alady.
Marafonda qatysýshylar jasy men múmkindikterine qaraı tórt qashyqtyq boıynsha júgire alady. «Armanǵa jol» - 21 shaqyrym, «Spýtnık» - 14 shaqyrym, «Dostyq» -7 shaqyrym, «Balapan» - 2 shaqyrym bolyp belgilengen.
Qatysýshylardy yntalandyrý maqsatynda arnaıy júlde qory qarastyrylǵan. Jartylaı marafonnyń jeńimpazyna 1 mıllıon teńge beriledi. Sondaı-aq altynshy orynǵa deıin kelgenderge syıaqy úlestiriledi. Altynshy orynǵa 150 myń teńge.
«Armanǵa jol» jartylaı marafonyna qatysý úshin 2 myń teńge jarna tóleý qajet. Ózge qashyqtyqtarǵa qatysý tegin. Marafonnan túsken qarjy qaıyrymdylyq sharalaryna jumsalady.
Qazirgi kezde Qaraǵandydaǵy marafonǵa qatysýǵa 2017 jyly Londonda ótken álem chempıonatynda óner kórsetken qyrǵyzstandyq Vıktorııa Polıýdına men Rıo Olımpıadasynda Belarýs eliniń namysyn qorǵaǵan Vladıslav Prıamov ótinish bildirgen. Qazaqstannan Andreı Leımenov pen Mıhaıl Krasılov bar.
