Qaraǵandyda 4 qabatty turǵyn úıde gaz jaryldy, 18 adam qaýipsiz aımaqqa kóshirilip, 5-ýi jaraqattandy
ASTANA. 22 maýsym. QazAqparat - Búgin saǵat 04.51-de Qaraǵandyda Buhar jyraý dańǵyly boıyndaǵy 4 qabatty úıde aýa-gaz qospasy jarylyp, 1 qabattaǵy páter órtendi.
QR TJM-niń baspasóz qyzmeti habarlaǵandaı, órt saldarynan 1,17,18,29 páterde qurylys qurylǵylary qulady.
Órt tolyǵymen 1 saǵattan keıin sóndirildi. Tilsiz jaýdy aýyzdyqtaýǵa QR TJM Qaraǵandy oblysy boıynsha TJD órtke qarsy qyzmetiniń 46 adamy men 9 tehnıkasy jáne QR TJM «TsMK» MM-niń 3 adamy men 12 tehnıkasy jumyldyryldy. Jalyn sharpyǵan aýmaq 35 sharshy metrdi qurady. 18 adam, onyń ishinde 3 bala qaýipsiz aımaqqa kóshirildi. Kúıik shalǵan 5 adam aýrýhanaǵa jetkizildi.
