Qaraǵandyda 342 myń teńgege joǵary bilim alýǵa bolady
QARAǴANDY. QazAqparat - Qaraǵandyda joǵary bilimdi 342 myń teńgege alýǵa bolady, dep habarlaıdy «QazAqparat» HAA tilshisi.
Qazaqstannyń eń iri ýnıversıtteriniń biri - akademık E.Bóketov atyndaǵy Qaraǵandy memlekettik ýnıversıteti tórt jyldyq kýrs oqyp, 342 myń teńgege joǵary bilim alýdy usynady.
«Zań, ekonomıka jáne gýmanıtarlyq mamandyqtar boıynsha kúndizgi oqý aqysy ótken jyly da, bıyl da ózgergen joq. Somanyń ulǵaıýy da múmkin. Biraq, ázirge oǵan esh negiz joq», - dep habarlady E.Bóketov atyndaǵy Qaraǵandy memlekettik ýnıversıtetiniń qabyldaý komıssııasy.
Syrttaı oqý aqysy arzanyraq - 198 myń teńge. Daıarlaý jumystary baklavarıatta 75 mamandyq boıynsha, magıstratýrada - 51, PhD doktorantýrasynda - 12 mamandyq boıynsha júrgiziledi. Búginde oqý ornynyń 12 fakýltetinde 10 myńnan astam stýdent, magıstranttar jáne doktoranttar oqıdy.
Qabyldaý komıssııasynyń jaýapty hatshysy Saıat Qurymbaevtyń aıtýynsha, stýdentterdi tartý úshin 15 sáýir kúni JOO rektoraty mektep jáne kolledj túlekterin, ata-analar men muǵalimderdi Ashyq esik kúnine shaqyrady.
Qaraǵandynyń taǵy bir bedeldi oqý orny - Memlekettik Tehnıkalyq ýnıversıtette kúndizgi oqý aqysy 346 myń teńgeni quraıdy. Syrttaı tehnıkalyq mamandyqty 246 myń teńgege alýǵa bolady.
