Qaraǵandyda 300 aǵash otyrǵyzyldy
QARAǴANDY. QazAqparat - Qaraǵandyda kúzgi aǵash otyrǵyzý aıaqtaldy. Kúz boıy 300 aǵash otyrǵyzyldy, dep habarlaıdy QazAqparat tilshisi.
Kúzgi aǵash otyrǵyzý Qaraǵandynyń eki saıabaǵynda - Ortalyq jáne Qazaqstan táýelsizdiginiń 10 jyldyǵy atyndaǵy saıabaqtarda júrgizildi. Qyrkúıektiń basynan beri munda 300-ge jýyq kóshet otyrǵyzyldy, onyń ishinde japyraqty (úıeńki, jóke, qaıyń) jáne qylqandy (qaraǵaı) aǵashtary bar.
«Mádenıet, demalys saıabaqtary jáne gúlzarlar basqarý» QMK baspasóz qyzmetiniń habarlaýynsha, kógaldandyrý úshin jergilikti tálimbaqtarda ósirilgen kóshetter tańdaldy. Qysqy ýaqytta olarǵa erekshe kútim qajet emes, sebebi olardyń dińgekterindegi shyryn qozǵalysy toqtap turady. Alaıda, kún jylynyp, kelesi sýynǵanǵa deıin olardy aptasyna eki ret sýǵarý kerek.
Eske salaıyq, Qaraǵandy ortalyq saıabaǵynda kúzgi aǵash otyrǵyzý qazannyń basynda bastalǵan edi. 
