Qaraǵandyda 3 jasar sábı jumbaq jaǵdaıda kóz jumdy
QARAǴANDY. QazAqparat - Jańa jyl qarsańynda Qaraǵandy oblystyq ınfektsııalyq aýrýhanada úsh jasar qyz kóz jumdy, dep habarlaıdy QazAqparat tilshisi.
Sábı 31 jeltoqsanda qaıtys bolǵan. Ol aýrýhanaǵa eki ret jatqyzylǵan. Sábı birinshi joly anasynyń talap etýimen emdeý ornynan úıine shyǵarylǵan. Óıtkeni sábıdiń anasy sapasyz medıtsınalyq qyzmetke shaǵymdanǵan. Keıin aýyr jaǵdaıda ekinshi ret ákelingen bala shuǵyl túrde aýrýhanaǵa jatqyzylǵan. Alaıda ony qutqarý múmkin bolmaǵan.
«Máıitti tekserý 3 qańtarǵa belgilendi, sol kezde ǵana onyń naqty neden kóz jumǵandyǵy belgili bolady», - dedi densaýlyq saqtaý basqarmasynyń baspasóz qyzmeti.
