Qaraǵandyda 3 jasar balany óltirgen kúdiktige el aýmaǵynda izdeý jarııalandy
QARAǴANDY. QazAqparat – Qaraǵandy oblysynda urlanǵan balany óltirdi degen kúdikpen 23 jastaǵy jigitke respýblıkalyq aýqymda izdeý jarııalandy, dep habarlaıdy QazAqparat.
Іzdeý jumystary eki táýlikten astam ýaqytqa sozylyp, polıtsııa men ulttyq ulannan, eriktilerden quralǵan 600-den astam adam tartylǵan bolatyn. Іzdeý barysynda ıisshil ıtter men dron da paıdalanylǵan. Bir jaqtan polıtsııa qyzmetkerleri kúdikti kelýi múmkin degen oryndarǵa baqylaý ornatqan. Al búgin saǵat 10.00-de Burma aýylynyń shetinen zorlyqtan ólgen 3 jasar balanyń denesi tabylǵan.
«Múrdeni ústine aǵashtyń butaqtarymen birkep ketken. Sot-medıtsınalyq saraptama taǵaıyndaldy. Qosymsha málimetter saraptamadan keıin belgili bolady. Balanyń denesi saraptamaǵa jóneltildi», - deıdi Qaraǵandy oblysynyń polıtsııa departamentiniń basshysy Erlan Faızýllın
Atalmysh oqıǵa boıynsha QR Qylmystyq kodeksiniń 99-babynyń 2-bóligi boıynsha qylmystyq is qozǵaldy. Al jedel top balanyń denesi tabylǵan aýdandy tintýde. Kúdiktini tabý úshin kúsheıtilgen rejimde jedel izdestirý sharalary júrip jatyr. Іs QR Іshki ister mınıstriniń jeke baqylaýyna alyndy.
«Asa aýyr qylmys jasaǵany úshin 17.11.1996 j. t. Igentaı Kárimuly Sopyjanov izdestirilýde. Boıy 175-180 sm, aryq deneli, shashy qara qysqa.
Kıimi: ashyq kúláparasy bar qońyr kúrte, qara kók djınsy, qara báteńke. Qaraǵandy oblysynyń polıtsııa departamentindei kezekshi bólim tel.: 8 (7212) 42-90-25 TBK: 8(7212) 42-91-90, 8(701)503-8887, 8(701)750 3752», - delingen polıtsııa habarlamasynda.
Eske salsaq, 5 qyrkúıekte urlanǵan balanyń denesi búgin tabylǵan bolatyn. Balany anasynyń qolynan 23 jastaǵy tanysy ul balany qolynan tartyp alyp, qashyp ketken.
