Qaraǵandyda 3 jasar bala urlandy: Ony izdeýge 200 polıtseı tartylǵan
QARAǴANDY OBLYSY. QazAqparat – Qaraǵandy oblysynyń Shet aýdanynda 3 jasar bala urlanyp, eki táýlikten beri tabylmaı jatyr, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
«5 qyrkúıekte Burma aýylynyń 22 jastaǵy turǵyny habarlasyp, balasynyń urlanǵanyn aıtqan. Áıel aýyldaǵy dúkenniń mańynda turǵan kezde oǵan qastyq oılaǵan 23 jastaǵy tanysy kúsh kórsetý arqyly qolyndaǵy 3 jasar balasyn belgisiz jaqqa áketip qalǵan. Qazirgi tańda jedel izdestirý sharalary bastalyp, oǵan 200 polıtsııa qyzmetkeri qatysýda. Odan bólek, volonterler de úles qosyp jatyr» delingen habarlamada.
Aıta keteıik, atalmysh fakti negizinde QR QK 125-baby 2-bólimi 5-tarmaǵy boıynsha qylmystyq is qozǵalǵan.