Qaraǵandyda 3 mln. teńgeden astam aqshany jymqyrǵan urylar ustaldy
QARAǴANDY. Qyrkúıektiń 17-si. QazAqparat /Valentına Elızarova/ - Qaraǵandy oblystyq uıymdasqan qylmyspen kúres basqarmasynyń jáne ishki ister departamenti qylmystyq polıtsııasynyń qyzmetkerleri qymbat kólikterden qol sómkelerdi urlaýmen aınalysýdy kásip etken eki jas jigitti ustady,
dep habarlaıdy oblystyq ishki ister departamentiniń baspasóz qyzmeti.
«Óz qurbandaryn urylar bankterdiń janynda ańdıtyn bolǵan. Odan keıin qolaıly sátti kútip turyp, avtokólik ıesi sharýasymen shyǵyp ketken kezde iske kirisken», - dep sıpattap berdi qylmystyq áreketti ishki ister departamentiniń baspasóz qyzmetindegiler.
Olardyń qurbandarynyń biri JShS dırektory bolǵan. «Toıota-Prado» avtokóligin úıdiń janyna ne bári 10-15 mınótke qaldyryp ketken kezde sol jaq qaptaldaǵy áınekti syndyryp odan 3 150 000 teńge soma aqsha jáne JShS qujattary salynǵan sómkeni urlap ketken.
Polıtseıler urylardy úsh kúnnen keıin ustady. Olar 20 jáne 23 jastaǵy Qaraǵandynyń turǵyndary bolyp shyqty.
