Qaraǵandyda 25 qańtarda mektepterde sabaq bolmaıdy
QARAǴANDY. QazAqparat - Qaraǵandy oblysynda 25 qańtar kúni -35 gradýsqa deıin úskirik aıaz bolady dep kútilýde. Osyǵan baılanysty Qaraǵandynyń barlyq orta bilim berý mektepterinde 0-11 synyptar úshin sabaqtar bolmaıdy, dep habarlaıdy QazAqparat.
Eger oqýshylar mektepke keletindeı bolsa, sabaq ótkiziledi.
«Oqýshylar mektepke kele qalsa muǵalimder buryn ótken sabaqtardy qaıtalaıdy bolmasa tapsyrmalar beredi. Alaıda jańa sabaqtar ótpegen jón»,-dep habarlady Qaraǵandy oblystyq bilim basqarmasynyń baspasóz qyzmeti.
Oblystyń ózge qalalary boıynsha ár aýdannyń bilim basqarmasynyń basshysy aýa raıyna qaraı ózi derbes sheshim qabyldaıdy. Qaraǵandy oblysynyń aýmaǵy óte keń, ár aýdannyń aýa raıy árqalaı bolyp keledi. Sol sebepti sabaq bolmaıtyndyǵy jóninde tapsyrma oblystyń barlyq aımaqtaryna qatysty emes.
«Oqýshyny sabaqqa jibere me joq pa, ol jaǵyn arnaıy bekitilgen erejege saı ata-analar ózderi sheshedi»,-delingen habarlamada.
