Qaraǵandyda 210 kópqabatty úılerdi jylýsyz qaldyrǵan apat joıyldy
QARAǴANDY. QazAqparat - Qaraǵandyda keshe, 8 aqpanda qalanyń Ońtústik-Shyǵys bóligindegi jylý magıstralinde bolǵan apat joıyldy, dep habarlaıdy óńir basshysynyń resmı saıty «Teplotranzıt Karaganda» JShS baspasóz qyzmetine silteme jasap.
Osy sebepti 210 kópqabatty úıler tómen rejimge aýystyrylǵan.
Kompanııanyń aqparatynsha, «5A» magıstraldi sorǵysh stantsııasynda elektr energııasynyń qysqa merzimge ajyratylýynyń saldarynan M5 jáne M10 magıstraldi jelilerdegi sý qubyrlarynda qysymnyń kúrt aýysýy bolǵan. Gıdrosoqqy jer asty arqyly ótetin 1020 mm dıametrli M5 jylý magıstraline («Stroımart» dúkeniniń aýmaǵy) jáne 720 mm dıametrli M10 jylý magıstraline (Muqanov jáne Táttimbet kósheleriniń qıylysyndaǵy) keletin qubyrlarda aqaý paıda bolǵan.
«Jedel túrde jóndeý jumystary jasaldy. Tómendetilgen rejimge 30-shy yqshamaýdan, Stepnoı -1, 2, 3, 4, Shapaǵat, KTK yqshamaýdandarynyń 146 kópqabatty úıleri jáne Gúlder 1,2 jáne Keńdala shaǵynaýdandaryndaǵy 64 kópqabatty úı men 39 jer úı kóshirildi.
Apattyń saldaryn joıýǵa quramy 23 adamnan jáne 15 tehnıkadan quralǵan 4 brıgada jumyldyryldy. Qazirgi tańda aqaýlar joıyldy. Temperatýralyq jáne gıdravlıkalyq rejimder qaıta qalpyna keltirildi.
Tutynýshylarǵa jylý energııasyn paıdalaný erejelerine saı qaıta esepteýler jasalady.
Aıta ketken jón, tómendetilgen rejim - ol jylý paıdalaný júıeleriniń jáne jylý júıeleriniń muzdap qalmaýy maqsatynda tómendetilgen temperatýra kórsetkishteri bar jylý ustaý qurylǵylarynda tsırkýlıatsııanyń bolýy.
