Qaraǵandyda 2018 jyly geohımııalyq zerthana ashylady
QARAǴANDY. QazAqparat - Qaraǵandyda paıdaly qazbalardyń 100 myń túrin anyqtaýǵa múmkindik beretin geohımııalyq zerthana ashylady, dep habarlaıdy «QazAqparat» HAA tilshisi.
«Qazgeologııa» JShS geologııalyq ınfraqurylymdy damytý maqsatynda zerthana ashýdy josparlap otyr.
«Geohımııalyq zerthanada zamannyń eń ozyq joǵary tehnıkalyq qurylǵylarymen qatty keletin paıdaly qazbalar men jer asty sýlaryn anyqtaý maqsatynda zerthanalyq-taldaý jumystary júrgiziledi», - dep habarlaıdy Qaraǵandy oblysynyń ındýstrıaldyq-ınnovatsııalyq damý jáne óndiris basqarmasynyń basshysy Ǵalymjan Jumasultanov.
Zamanǵa saı geohımııalyq zerthana paıdaly qazbalarǵa barlaý jasaýmen aınalysatyn kásiporyndardyń aqshasyn únemdeıdi. Ol kásiporyndar burynǵydaı tabylǵan qazbany zertteý úshin elimizdiń basqa óńirlerine sabylmaıtyn bolady.
Geologııalyq zerthanany 2018 jyldyń ortasyna qaraı iske qosý kózdelgen.
