Qaraǵandyda 2 jasóspirimdi kólik qaǵyp ketti
QARAǴANDY. QazAqparat - Qaraǵandy qalasynyń Qazybek bı aýdanynda 2 jasóspirimdi kólik qaǵyp ketti, dep habarlaıdy QazAqparat tilshisi.
Jol kólik oqıǵasy 15 aqpan saǵat 14.00 shamasynda bolǵan. «Lada prıora» kóliginiń júrgizýshisi retteletin jaıaý júrginshiler jolynda 13 jáne 14 jastaǵy eki jasóspirimdi qaǵyp ketken. Oqıǵadan zardap shekkender aýrýhanaǵa jetkizildi.
«Jasóspirimder Ońtústik-Shyǵysta ornalasqan Maqajanov atyndaǵy aýrýhanaǵa jetkizildi. 2006 jyly týǵan jasóspirimniń synyq jaraqattary bar. Al ekinshi bala dárigerlerdiń qaraýynan soń úıine jiberildi», - dedi Qaraǵandy oblystyq densaýlyq saqtaý basqarmasynyń baspasóz qyzmeti.
