Qaraǵandyda 2 sábıdiń ólimine qatysty tekserý júrip jatyr
QARAǴANDY. QazAqparat - Temirtaýda kóz jumǵan birjarym jasar Aslan Manasovqa qatysty qylmystyq is qozǵaldy, dep habarlaıdy QazAqparat tilshisi.
Polıtseıler Temirtaýdyń ortalyq aýrýhanasynda kóz jumǵan birjarym jasar Aslan Manasovtyń ólimine qatysty qylmystyq isti tekserip jatyr.
«Aslan Manasovqa qatysty barlyq áreketter tekseriledi, onyń ishinde balany aýrýhananyń juqpaly aýrýlar bólimine alyp kelgen jedel járdem de bar», - dedi jergilikti qoǵamdyq densaýlyq saqtaý departamenti basshysynyń orynbasary Olga Smırnova.
Eske sala keteıik, Temirtaý aýrýhanasynda 3 qańtar kúni ishek ınfektsııasynan bir jarym jastaǵy sábı Aslan Manasov kóz jumǵan bolatyn. Osyǵan qatysty ótkizilgen brıfıngke balanyń anasy Maqpal Jarylqasynova keldi.
Sondaı-aq, 31 jeltoqsan kúni Qaraǵandy oblystyq aýrýhanasynda 3 jastaǵy Aızere atty qyzynan aıyrylǵan ana Dıana QaHarmanova da brıfıngte boldy. Qos ana da oblystaǵy aýrýhanalar, balalaryna qajetti medıtsınalyq kómek kórsete almaǵanyn aıtty.
Bekitilgen tártipke sáıkes eki oqıǵaǵa da baılanysty teserý jumystary 30 jumys kún kóleminde júrgiziledi.
