Qaraǵandyda 19 myńnan astam dári-dármek medsaqtandyrý aıasynda tegin berilgen
Qor dári-dármektiń qunyn tóleýge 1,5 mıllıard teńge bóldi.
Osy qarajattan 225 mln teńge shashyrańqy sklerozy bar 147 patsıentke dári-dármek tóleýge, 435,7 mln teńge bulshyqet dıstrofııasy bar eki patsıentke arnalǵan preparattarǵa jumsaldy.
«Tegin dári-dármek, sondaı-aq medıtsınalyq qyzmetter qazaqstandyqtarǵa medıtsınalyq kómek kórsetýdiń eki paketi – tegin medıtsınalyq kómektiń kepildik berilgen kólemi (TMKKK) jáne medıtsınalyq saqtandyrý sheńberinde qoljetimdi. Eger birinshi pakette mártebesine qaramastan (saqtandyrylǵan nemese saqtandyrylmaǵan) onkologııalyq aýrýlarmen, qant dıabetimen, týberkýlezben jáne basqa da túrlerimen aýyratyn patsıentterdi tegin dári-dármekpen qamtamasyz etý salynǵan bolsa, medıtsınalyq saqtandyrý paketi sheńberinde tegin medıtsınalyq preparattardy sırek kezdesetin aýrýlary bar saqtandyrylǵan azamattar ǵana alady. Ótken jyldan bastap bul tizimge dıýshenniń bulshyqet dıstrofııasy, bas súıek nervteriniń zaqymdanýy, Altsgeımer aýrýy, allergııalyq rınıt, glaýkoma, endometrıoz jáne basqa syrqattar kirdi», – dep atap ótti medıtsınalyq saqtandyrý qory Qaraǵandy fılıalynyń dırektory Fazyl Kopobaev.
Patsıentter úshin qajetti preparattar men medıtsınalyq buıymdardy tirkelgen jeri boıynsha medıtsınalyq uıymdar satyp alady, olardy medıtsınalyq saqtandyrý qory tóleıdi.
TMKKK jáne medıtsınalyq saqtandyrý paketi sheńberinde 141 aýrý boıynsha dári-dármekpen qamtamasyz etý kózdelgen.
