Qaraǵandyda 17 jastaǵy jigit shahtanyń tundyrǵyshyna batyp ketti
QARAǴANDY. QazAqparat - Qaraǵandyda jas jigit shahtanyń tundyrǵyshyna batyp ketti, dep habarlaıdy QazAqparat tilshisi.
«8 shilde kúni saǵat 17:00 shamasynda qońyraý kelip tústi. 18:31-de sýdan 17 jastaǵy jigittiń denesi shyǵaryp alyndy. Ol dostarymen birge ruqsat etilmegen jerde shomylǵan. Marqumnyń óliminiń sebepteri áli tekserilip jatyr», - dep málimdedi Qaraǵandy oblystyq TJD baspasóz qyzmeti.
Qaraǵandyda shahta jáne karerler mańynda osy sııaqty birneshe jasandy sý basseınderi bar.
TJD málimetterine súıensek, ótken aptada Qaraǵandy oblysynda qutqarýshylar sýǵa batqan alty adamnyń denesin tapqan, onyń úsheýi - jas bala. Olardyń barlyǵy tyıym salynǵan sýǵa shomylǵan.
