Qaraǵandyda 17 jastaǵy qyz turaqtaǵy kólikterdi zaqymdady

QARAǴANDY. QazAqparat - Qaraǵandyda tártip saqshylary turaqta turǵan avtokólikterdiń ústine shyǵyp, sekirgen 17 jastaǵy qyzdy ustady. Boıjetken osylaısha taǵy eki kólikke zaqym keltirgenin moıyndady, dep habarlaıdy QazAqparat tilshisi.

Áleýmettik jelidegi paraqshalardyń birinde osy buzaqylyqtyń vıdeosy ornalastyryldy.

Onda bir top jasóspirimniń júgirip júrgeni baıqalady. Olar turaqta turǵan kólikterdiń janynan ótip, qaıta oralyp, top arasynan bir qyz kóliktiń tóbesine sekirgen. Jeńil kóliktiń shatyrynda birneshe ret sekirip, olar oqıǵa ornynan qashady.

«Jedel-izdestirý sharalary barysynda Qaraǵandy qalalyq polıtsııa basqarmasy Ortalyq polıtsııa bóliminiń qyzmetkerleri 17 jastaǵy qyzdy ustady. Sondaı-aq, polıtseıler sol kúni kúdiktiniń taǵy eki kólikke zaqym keltirgenin anyqtady. QR QK 293-baby «Buzaqylyq» boıynsha qylmystyq is qozǵaldy. Tergeý júrip jatyr», - dep habarlady Qaraǵandy oblysy Polıtsııa departamentiniń baspasóz qyzmetinen.