Qaraǵandyda 16 qazannan bastap aýylsharýashylyq jármeńkeleri uıymdastyrylady
QARAǴANDY. QazAqparat – Qaraǵandy oblysynda jergilikti fermerler men kásiporyndardyń qatysýymen dástúrli «Aýyl Bereke» aýyl sharýashylyǵy jármeńkesi bastalady, dep habarlaıdy QazAqparat tilshisi.
Qaraǵandyda birinshi jármeńke 16 qazanda saǵat 09:00-den 19:00-ge deıin «GLOBAL CITY» KTO aýmaǵynda ótedi.
Jármeńkede oblystyń jáne qalanyń aýyl sharýashylyq taýar óndirýshileri men fermerleri satyp alýshylarǵa kókónis, jemis-jıdek, et, sút jáne et ónimderin jáne t.b. usynady.
Kelesi oblystyq jármeńkeler 23 qazan men 6 qarashaǵa josparlanǵan. Qalǵan demalys kúnderi 17 qazannan bastap qalalyq jármeńkeler ótedi.
Meken-jaıy: Qaraǵandy q., 134-shi eseptik kvartal (Táttimbet jáne Momyshuly kósheleriniń qıylysy).
«GLOBAL CITY» KTO-na № 40, 56, 5, 146 avtobýspen jáne № 02 jáne 29 marshrýttyq kóliktermen jetýge bolady.
Avtokólik ıelerine yńǵaıly bolý úshin «GLOBAL CITY» KTO aýmaǵynda úlken tegin turaq bar.
