Qaraǵandyda 144 kópqabatty úıge jylý berý mólsheri azaıtyldy
QARAǴANDY. QazAqparat - Qaraǵandynyń shaǵynaýdandarynyń 32 nysany men 144 kópqabatty úıine jylý berý júıesi jylý magıstraliniń qubyr jelisinen aqaý tabylýyna baılanysty tómengi rejimge aýystyryldy, dep habarlaıdy QazAqparat tilshisi.
2018 jyldyń 20 jeltoqsanynda saǵat 11-den 7 mınýt ketkende Ońtústik-Shyǵys avtostantsııasy aýdanyndaǵy jylý magıstrali qubyr jelisiniń 700 mm-lik ýchastogynan aqaý anyqtalǵan. Atalmysh qubyr jelisin 2019 jyly rekonstrýktsııalaý josparlanǵan bolatyn. Saǵat 11.31 shamasynda jedel túrde aqaý tabylǵan ýchastok óshirilip, jóndeý jumystary júrgizildi.
Jylý berýdiń tómendetilgen rejimine 30, MJK, Stepnoı-1, 2, 3, 4 aýdandaryndaǵy 144 kópqabatty úıi men 32 nysany aýystyryldy.
Aqaý tabylǵan ýchaskeni retke keltirý úshin 18 adam men qajetti qurylǵylarmen jaraqtandyrylǵan 8 arnaıy tehnıka jáne 3 apattyq-qalpyna keltirý brıgadasy jumyldyryldy.
«Jylýmen qamtamasyz etý boıynsha qyzmet kemshiligi tirkelgen kezeńde jylý energııasyn paıdalaý erejesine sáıkes túzetý jumystary júgiziledi», - dep habarlady «Teplotranzıt Qaraǵandy» JShS ortalyq dıspetcherlik qyzmetinen.
Avtor:
Gúlzat Sahova
