Qaraǵandyda 14 mas júrgizýshi jaýapkershilikke tartyldy
QARAǴANDY. QazAqparat - Qaraǵandy oblysynda «Jaıaý júrginshi» jedel aldyn alý sharasy ótýde. Onyń maqsaty - qoǵamdyq qaýipsizdikti qamtamasyz etý, jol qozǵalysy erejelerin buzýdyń aldyn alý, dep habarlaıdy QazAqparat tilshisi.
Іs-shara aıasynda Qaraǵandy qalasy PB patrýldik polıtsııa polkiniń qyzmetkerleri kúsheıtilgen rejımde jumys isteýde.
Ótken táýlikte Qaraǵandyda mas kúıinde kólik quralyn basqarǵan 14 júrgizýshi anyqtaldy.
Ustalǵandardyń barlyǵyna ákimshilik hattama toltyryldy.
«Ótken jyly oblysta mas júrgizýshilerdiń kinásinen 16 jol-kólik oqıǵasy oryn alyp, nátıjesinde 4 adam qaza taýyp, 14 adam túrli jaraqat alǵan.
Eske sala ketsek, Qazaqstan Respýblıkasy Ákimshilik quqyq buzýshylyq týraly Kodeksiniń 608-shy babyna sáıkes júrýshiniń alkogolden, esirtkiden jáne (nemese) ýytqumarlyqtan masań kúıde kólik quralyn basqarǵany úshin, sol jarqyn kólik quralyn júrgizýdi alkogolden, esirtkiden jáne (nemese) ýytqumarlyqtan masań kúıdegi adamǵa berý kólik quralyn basqarý quqyǵynan 7 jylǵa aıyrýǵa ákimshilik jaýapkershilikti qarastyrady», - dep atap ótti Qaraǵandy oblysy PD bastyǵynyń birinshi orynbasary Qurmanǵalı Ysmaǵulov.
Ol mas júrgizýshi jol qozǵalysynyń barlyq qatysýshylaryna úlken kaýip tóndiretinin eskere otyryp, júrgizýshilerdi de, jaıaý júrginshilerdi de zańdy buzbaýǵa shaqyrdy.
