Qaraǵandyda 11 jastaǵy bala ólimine qatysty kúdikti tutqyndaldy
QARAǴANDY. QazAqparat - Qaraǵandyda 11 jastaǵy balany óltirdi degen kúdikpen 20 jastaǵy qyz ustaldy, dep habarlady Qazybek bı aýdandyq sotynan.
«Sot sheshimimen kúdikti 2 aıǵa tutqyndaldy. Merzim onyń ustalǵan ýaqytynan, ıaǵnı 26 qyrkúıekten bastalady», - dedi Qazybek bı aýdandyq sotynyń sýdıasy Álııa Josheva.
Oblystyq ІІD baspasóz qyzmetine silteme jasap habarlanǵandaı, 26 qyrkúıekte Qaraǵandyda 11 jastaǵy Leon Serikbaevtyń óli denesi tabyldy. Sezikti retinde Jańaarqa aýdanynyń esh jerde jumys istemeıtin turǵyny, ólgen balanyń anasynyń týysy ustaldy.
«Ol páterden tondy urlap, balany ózimen birge alyp ketkenin moıyndady. Keıin balaǵa pyshaq suǵyp, býyndyryp óltirgen. Keıin onyń jansyz denesin shuńqyrǵa laqtyryp jibergen», - dep habarlady oblystyq ІІD baspasóz qyzmetinen.
Tergeý málimetterine qaraǵanda, kúdikti urlaǵan qundyz tondy lombardqa 60 myń teńgege tapsyrǵan.
