Qaraǵandyda 11 eldiń ǵalymdary bas qosady
Shara barysynda ǵalymdar geologııa, metallýrgııa jáne mashına jasaý salasynyń damý áleýetin talqylaıdy
Konferentsıa kezinde Qazaqstan, Ulybrıtanııa, Germanııa, Frantsııa, Reseı, Ýkraına, Majarstan, Bolgarııa, Ózbekstan, Qyrǵyzstan jáne Tájikstan ǵalymdary baıandama jasaıdy.
El arasynda bul konferentsııa «Saǵynov oqýlary» degen ataýmen de tanys, onda bilim berý, energetıka, geologııa, logıstıka, mashına jasaý, hımııa-bılogııa jáne basqa da ǵylymdardy damytý máseleleri talqylanady.
Іs-shara aıasynda 13 otyrys ótedi, onda Ulybrıtanııa, Majarstan, Reseı, Ýkraına jáne Qazaqstan ınstıtýttarynyń ókilderi qatysady.
Sektsııalyq otyrystarǵa Qazaqstannyń, shetelderdiń 104 ǵylymı jáne óndiristik uıymdarynan barlyǵy 665 baıandama kelip tústi. Onda Smart jáne IT tehnologııalarǵa erekshe nazar aýdarylǵan.
Konferentsııaǵa qonaq retinde QR Bilim jáne ǵylym mınıstrliginiń, QR Indýstrııa jáne ınfraqurylymdyq damý mınıstrliginiń, QR Energetıka mınıstrliginiń ókilderi, oblys ákimshiliginiń, sondaı-aq QarMTÝ bazasynda «Korporatıvtik ýnıversıtet» ınnovatsııalyq-bilim berý konsortsıýmynyń jumys isteıtin kásiporyndar men uıymdardyń basshylary shaqyryldy.