Qaraǵandyda 10 jyl buryn Elbasy syıǵa tartqan tomograf qaıta jóndelip, iske qosyldy
ASTANA. QazAqparat - Qaraǵandylyq mamandar 2007 jyly Memlket basshysy syılaǵan magnıtti-rezonansty tomografty qaıta iske qosty.
Ol kezde bul ıAMRT apparaty Qazaqstandaǵy alǵashqylardyń biri bolǵan edi.
Tomografty memlekettik-jekeshelik baǵdarlamasy boıynsha jóndeý múmkin boldy. Oǵan «Shıpager» JO qyzmetkerleri atsalysty, dep habarlaıdykaraganda-region.gov.kz .
- Ótken jyly tomograf isten shyqqan bolatyn, - dedi kompanııa dırektory Denıs Podgaınov. - Bul «Siemens» fırmasynyń apparaty. Búgingi tańda naryqta osy sekildi qurylǵylardy jóndeý óte qymbat. Bizde osy sekildi jabdyqty jóndeý jáne jetkizý tájirıbesi, ózimizdiń qyzmet ortalyǵymyz bolǵandyqtan bul jóndeý jumystary biz úshin arzanǵa tústi.
Tomograf eki apta buryn qaıta iske qosyldy. Sol ýaqyt aralyǵynda ol arqyly 300-ge jýyq adam zertteýden ótip úlgergen. Atalmysh apparattyń 10 jyldyq qyzmeti barysynda dárigerler Qaraǵandy oblysynyń 30 myńnan astam turǵyndaryna dıagnoz qoıyp úlgergen.
- Tomograftyń shyqqan merzimi, onyń jumys sapasyna áser etpeıdi, - dep túsindirdi Denıs Podgaınov. - Onda turaqty magnıt ornatylǵan. Ol 30 jyl aralyǵynda magnıt órisin saqtap turady. Sondyqtan keskinde eshqandaı aqaý bolmaıdy.
Qazir qaıta qalpyna keltirilgen MRT apparaty Ońtústik-Shyǵys shaǵynaýdanyndaǵy №5 emhanada naýqastardy zertteý úshin qoldanysqa berilgen.
