Qaraǵandyda 10 mln teńgege deıin aqsha salýǵa úgittegen qarjy pıramıdasy áshkerlendi

QARAǴANDY. QazAqparat - Qaraǵandyda taǵy bir qarjy pıramıdasynyń joly kesildi. Bul týraly QazAqparat Qarjylyq monıtorıng agenttigine silteme jasap habarlaıdy.

Pıramıdany uıymdastyrýshy azamattardan ınvestıtsııa tartý úshin WhatsApp-ta toptar qurǵan. Qylmystyq shema qatysýshylardyń eki baǵyt boıynsha qarajatyn tartýdan turdy. Birinshisi – jańa qatysýshylardy tartý arqyly salym somasynyń 70%-y kóleminde syıaqy tóleýge ýáde berip, 4 kúnnen 5 kúnge deıingi merzimge azamattardan ınvestıtsııa jınaqtaý. Ekinshisi – «Ctandart», «Vip» jáne «Premium» degen úsh pozıtsııaǵa azamattardan ınvestıtsııa tartý, 150 000 teńgeden 10 000 000 teńgege deıingi salymdar somasynda qarajat jınaqtaý. Qylmysker is júzinde kásipkerlik qyzmetpen aınalyspaǵan.

Salymdar mobıldi bankıng arqyly qabyldanǵan. Atalǵan fakti boıynsha sotqa deıingi tergeý bastaldy. Zań buzǵan azamatsha qarjylyq pıramıdany qurýyna qatysty kinásin moıyndady.

QR QPK 201-babyna sáıkes ózge málimetter jarııa etilmeıdi.